體育人訪：17歲成世界冠軍望教後輩何柱霆「繩」悟奧運夢 - 香港蘋果日報

sportkaleo.blogspot.com

一場武漢肺炎，令奧運會也要延期，不少運動員部署受到影響，甚至奧運夢碎。以上說法只適用於奧運項目，那麼非奧運項目呢？香港花式跳繩代表何柱霆（Timothy）與奧運似是風馬牛不相及，跳繩更不是傳統項目，發展難度高。不過，已是世界冠軍的何柱霆仍有個奧運夢，雖似遙不可及，但他信可達成。

記者/攝影：禤家民

年幼時Timothy曾學習體操和羽毛球，直至他八歲一天，當年讀小二的他在學校找到一條繩，「我周不時會去體育室搵嘢玩，有日拎咗一條繩，自己喺度跳。」這情景被一位老師見到，這位老師再向Timothy教授一些基本動作，「佢見我跳得唔錯，就建議我參加學校嘅興趣班。」Timothy與母親商量後，決定參加，「初時上堂有教練做示範，之後1、2堂後，教練問學到咩花式，可以試吓做。因為我學過體操，知道點做側手翻，所以加插咗呢個動作，完成後旁邊嘅人都讚，有啲成功感就一直繼續跳繩，冇停過。」何柱霆的跳繩之路由此起，小四那年，他首隨校隊比賽，小五出戰全港分齡賽，取得11歲以下組別冠軍。

自創花式加搖繩動作

在香港，只有港超聯一個職業體育聯賽，除足球外，若非體院精英項目，很難以體育作職業。小時候的Timothy應該沒有多想，只是為興趣和那份成功感，一直跳下去，「小五嗰陣1星期練2日，小六入咗港隊，1星期練4日，去到大專就1星期練5至6日。」

Timothy指花式跳繩不外乎六個元素：交叉花式、放柄花式、多重跳、體操動作、力量動作和繞繩類，不停變化，但很少像體操般，不斷有新的動作創出，「中一我第一次編排自己嘅表演，但動作唔係自創嘅，都係參考吓外國選手。」但Timothy還是嘗試自創花式，只是也不能確認他是首個做出這動作的人，他說：「應該算係啦，我未見過有人做過，我都係呢幾年先做到，叫做『fish』，好多人唔會用繩做，我就加插咗繩。」這動作是要平躺面向地面，身體魚般S形擺動，Timothy在每一下擺動，身體離地時，加上搖繩動作。

2009年失準上一課

Timothy僅17歲時已首次成為世界冠軍，跳繩之路似是平坦，但其實成功來自一次挫折，「我最難忘嘅比賽係2009年亞洲賽，我第一次參加個人賽。」當屆比賽在香港中文大學進行，Timothy很有信心在14歲以下組別取得頭3名，甚至勝出，「比起其他選手，其實我嗰陣成績好好多，點知我第一個項目就失準。」30秒速度跳，Timothy當時能力可達96跳，比賽卻失準，「我唔記得係75定76喇，跳繩差一跳，排名可以差兩名，20跳嘅話排名肯定大跌。」當時僅14歲的Timothy走出場外痛哭，然後在準備不足下，繼續第二項比賽，繼續失準。最後總成續，Timothy有399跳，而賽事季軍則有400跳，「當日三個項目都失準，最後好唔開心。」不過，這次失敗對Timothy來說是上了寶貴一課，「呢件事令我之後幾年比賽都好順暢，比賽嗰陣心情起伏唔會太大。」Timothy一年後就在世青賽取得團體冠軍，其後在世錦賽不論個人賽或團體賽，都贏過冠軍。

成為世界冠軍了，也不代表作為跳繩運動員收入足以維生，雖然如此，但Timothy早有以跳繩為職業的念頭，只是並非作為運動員，而是教練，「我16歲就跟教練去教繩，做助教，當時已有以跳繩做終身職業嘅諗法。」升上大專，他亦選擇運動有關課程。現時25歲的他，幾乎整個人生都與跳繩有關，運動員在香港的地位不高，跳繩更加是較

冷門項目，但Timothy也保持樂觀，「學界賽事冇呢個項目，要攞分嘅學校都未必會投放太多資源。但跳繩只係發展咗十幾年都有呢個水平，我認為可以慢慢追上傳統項目。」

學生變隊友最滿足

世界冠軍都當過幾次了，Timothy繼續是運動員，繼續參加比賽，但心態已不同了，「比起自己跳，我家陣更享受教繩。見證每個學生成長，甚至成為我隊友，睇到佢哋進步，滿足感比自己完成到一個新動作仲大。」他感覺香港跳繩風氣越來越好，「我讀小學嗰陣來來去去都係幾間學校比賽，但家陣全港九百幾間學校，可能有一半有花式跳繩隊。」